Um Okkur

Svavar Ingi Hermannsson leiðir ráðgjafaþjónustu okkar og hefur yfir 30 ára reynslu af tölvuöryggi og upplýsingaöryggi. Í starfi sínu aðstoðar hann fyrirtæki og stofnanir við að byggja upp öflugt öryggi, stjórna stafrænum áhættum og uppfylla kröfur laga, reglugerða og alþjóðlegra staðla.

 

Svavar hefur víðtæka reynslu af innleiðingu stjórnkerfa upplýsingaöryggis samkvæmt ISO/IEC 27001, auk ráðgjafar um persónuvernd, öryggiskröfur greiðslukortafyrirtækja og kröfur eftirlitsaðila á fjármálamarkaði. Hann hefur aðstoðað fjölmörg fyrirtæki við að styrkja stjórnskipulag öryggismála, móta stefnu og verklag og undirbúa sig fyrir úttektir og vottanir.

 

Hann hefur einnig mikla reynslu af innbrotsprófunum, veikleikagreiningum og tæknilegum öryggisúttektum, þar sem markmiðið er að greina veikleika áður en þeir eru nýttir og hjálpa stjórnendum að taka upplýstar ákvarðanir um áhættustýringu.

 

Auk ráðgjafar hefur Svavar kennt upplýsingaöryggi við Háskóla Íslands og Háskólann í Reykjavík, og hefur haldið fjölda fyrirlestra á alþjóðlegum ráðstefnum og viðburðum á borð við OWASP, ISC2 Secure Summits, BSides og Hacker Halted Europe. Hann hefur einnig verið boðinn sem fyrirlesari á ráðstefnum í Evrópu, Bandaríkjunum og Mið-Austurlöndum.

 

Svavar er með meistaragráðu í Cybersecurity frá Georgia Institute of Technology og Executive MBA frá Háskólanum í Reykjavík. Hann hefur jafnframt sótt stjórnendanám við Harvard University og University of Oxford.

​

Hann er lífstíðarmeðlimur í OWASP og hefur aflað sér fjölda alþjóðlegra öryggisvottana, þar á meðal:

• ISO/IEC 27001 Lead Auditor

• CISSP – Certified Information Systems Security Professional

• CISA – Certified Information Systems Auditor

• CISM – Certified Information Security Manager

• CDPSE – Certified Data Privacy Solutions Engineer

• GDSA – GIAC Defensible Security Architecture